اہل البیت(ع) نیوز ایجنسی ـ ابنا ـ کی رپورٹ کے مطابق اسرائیلی اخبار "ٹائمز" کی ویب سائٹ نے دعوی کیا ہے کہ کل رات لاذقیہ کے جنوب میں شامی فضائیہ کے ایک اڈے میں خوفناک دھماکہ ہوا ہے اور لبنان اور شام کے بہت سے حلقوں نے کہا ہے کہ یہ شام پر اسرائیل کے میزائل حملے کا نتیجہ تھا۔ عینی شاہدین نے سوشل نیٹ ورکس پر لکھا ہے کہ لاذقیہ کے جنوب میں صنوبر جبلہ نامی گاؤں کے قریب واقع فضائیہ کے ایک اڈے میں بہت بڑا دھماکہ ہوا ہے۔ اسرائیلی ویب سائٹ نے ایک غیر مصدقہ رپورٹ میں لبنانی اور فلسطینی ذرائع کا حوالہ دے کر کہا ہے کہ اس دھماکے کا تعلق بحیرہ روم سے داغے گئے میزائل سے تھا۔ سوشل ویب سائٹس پر بھی اس حوالے سے متضاد خبریں درج ہوئی ہیں۔ ۔۔۔۔۔۔۔۔۔۔/٭۔٭
30 اکتوبر 2013 - 20:30
News ID: 477032
ایک صہیونی ویب سائٹ نے غیر مصدقہ اطلاعات کا حوالہ دے کر لکھا ہے کہ کل رات بحیرہ روم سے ایک میزائل شامی شہر لاذقیہ کے جنوبی علاقے پر داغا گیا ہے۔
